Yayın gəlişi ilə dənizdə çimmək ən ideal istirahət növlərindən hesab edilir.
Amma qadınlar bu istirahət günlərinin menstruasiya günlərilə üst-üstə düşməməsi üçün planlar qururlar. Qadınların əksəriyyətini düşündürən önəmli bir sual aybaşı günlərində soyuq suya, dənizə və ya hovuza girmək sağlamlıq üçün zərərlidirmi?
Menstruasiya zamanı dənizə gedə bilərsinizmi?
Anadolu Tibb Mərkəzi Qadın Sağlamlığı Müdirliyi Dr. İbrahim Sözen bu suala cavab verib.
Onun sözlərinə görə, bunun qadın üçün hər hansı zərəri yoxdur. Qadınlar müxtəlif öönləmlər alaraq bu günlərdə istihətə yollana bilərlər. Bakirə qadınlar üçün tampon istifadəsi tövsiyə edilmir.
“Qadınların menstruasiya zamanı dənizdə çimməsinin zərərli olduğu barədə fikirlərin heç bir tibbi əsası yoxdur. Aybaşı zamanı dənizdə və ya hovuzda üzmək olar. Sadəcə menstruasiya qanamasının ən çox olduğu 1-ci və ya 2-ci günlərdə tövsiyə edilmir. Bu günlərdə dənizdə çimmək qadınları narahat edə bilər. Aybaşının digər günlərində isə tampondan istifadə edərək dənizə girmək məsləhətdir. Tamponun vajinada uzun müddət qalması məsləhət deyil. Bu zaman vajinanın mikrobioloji mühitini dəyişə və bəzi bakteriyalar sürətlə çoxala bilər. Bu səbəbdən tampon istifadə edən qadınlar tamponları tez-tez, maksimum 4-5 saatlıq fasilələrlə dəyişməlidir”,-deyə həkim bildirib.
Mütəxəssis onu da əlavə edib ki, digər qoruyucu vasitələr o dərəcədə tövsiyə edilmir, çünki tampon vajinadakı qanamanı özünə çəkir və qanaxmanın mayodan keçməsinin qarşısını alır.
Yazan: Aybasi | Oxundu: 743 | Tarix: 11/08/2023