Menstruasiya nizamsızlığı qadınların tez-tez qarşılaşdıqları və onları narahat edən problemdir. Hormonal problemlər sonsuzluqdan xərçəngə qədər bir çox mühüm xəstəliklərin xəbərçisi ola bilər.
Xüsusi İstanbul Şafak Xəstəxanası Qadın Xəstəlikləri və Doğum Mütəxəssisi Op. Dr. Defne Dağlar bununla bağlı açıqlama verib.
"Aybaşı dövrünün əvvəlində hipofiz vəzi adlanan ifrazat vəzindən gələn ilk əmrlə yumurtalıqda yumurta seçimi başlayır. Seçilmiş yumurta 10-20-ci günlər arasında, yəni menstruasiya dövrünün başlanğıcı qoyulur. Mayalanma olduqda, hamiləlik baş verir. Aybaşı bir gündən sonra baş verir.Yəni uşaqlığın təbəqəsi qanla xaric olur. Adətən menstruasiya 28 gündən bir baş verir, bəzi hallarda bu müddət 21 gün ola bilər. Buna tez-tez gələn menstruasiya deyilir. 35 gündən bir olan aybaşı isə gecikmiş hesab edilir. Qadınların ən çox yol verdiyi səhv aybaşının bitdiyi gündən digər aybaşı vaxtını hesablamaqdır. Menstruasiya günləri başlanğıc günündən sayılmalıdır”,- deyə həkim qeyd edib.
Onun sözlərinə görə, menstruasiya nizamsızlığının səbəblərinə xəstənin yaş qrupu, xroniki xəstəlikləri, istifadə etdiyi dərmanlar, genetik faktorlar daxildir. Dəqiq səbəbi bütün məqamlar nəzərə alınaraq ultrasəs və hormon testləri kimi qiymətləndirməkla bilmək mümkündür. Hormonal pozulmalar daha çox yeniyetmə yaş qrupunda müşahidə edilir. Vəziyyətə və yaşa uyğun olaraq müalicə planlaması aparılır. Reproduktiv yaşda olan gənc xəstə qrupunda menstruasiya pozuntuları ikiyə bölünə bilər: birincisi görüntüləmə üsulları ilə görülə bilənlər, ikincisi isə hormonal səbəblərdir.
“Aybaşı nizamsızlığının səbəblərindən biri də polip deyilən ət hissəcikləridir. Poliplər aybaşı nizamsızlığı ilə yanaşı, uşaq sahibi ola bilməmək və uşaqlıqdan kənar hamiləlik kimi problemlər də yarada bilər. Poliplər əməliyyatla çıxarıla bilər”,-deyə mütəxəssis bildirib.
Yazan: Aybasi | Oxundu: 819 | Tarix: 11/08/2023