Qadınların qorxulu yuxusu olan uşaqlıq boynu xərçəngi riskini aradan qaldırmaq mümkündür. Mütəxəssislər buna görə HPV peyvəndinə diqqət çəkib. Peyvəndlərin uşaqlıqda tətbiq edilərək qadınlarda başda uşaqlıq boynu xərçəngi olmaqla bir çox xəstəlik riskinə qarşı qorunma təmin etdiyi bildirilir.
Bununla bağlı İstanbul Cərrahiyyə Xəstəxanası Uşaq Xəstəlikləri Mütəxəssisi Dr. Rabia Günəş açıqlama verib.
“Uşaqlıq boynu xərçəngi dünyada qadınlarda ən çox rast gəlinən xərçəng növlərindən biridir. HPV virusu qadınlarda uşaqlıq boynu xərçənginin ən çox görülən səbəbidir. Bu peyvənd Avropa ölkələrində müntəzəm olaraq tətbiq edilir. Biz bu peyvəndin uşaqlıqda vurulmasını tövsiyə edirik. Çünki məlumdur ki, erkən yaşda tətbiq edilən peyvəndlər daha effektiv olur. Peyvənd 75 faizə qədər qorunma təmin edir”,-deyə həkim bildirib.
Onun sözlərinə görə, HPV peyvəndi peyvənddən əvvəl ötürülən növlərə qarşı qoruyucu deyil. HPV peyvəndi müalicəvi peyvənd deyil. Cinsi həyatına başlamamış və ya heç vaxt HPV virusu daşımayan bir qadına vurulan HPV peyvəndi yüzdə yüzə yaxın qoruma təmin edir.
Yazan: Bu | Oxundu: 1111 | Tarix: 11/08/2023